Eksploroni Parkun e Bredhit të Hotovës-Dangëlli, një nga më të mëdhenjtë në Ballkan

Konsideruar pa asnjë dyshim mushkëria natyrale e jugut të Shqipërise, Parku Kombëtar Bredhi i Hotovës-Dangëlli ka një sipërfaqe prej 1400 hektarësh dhe është një nga vendet më piktoreske të të gjithë vendit, që ka shumë për të ofruar në çdo kohë të vitit. Pylli i dendur ofron pamje të mrekullueshme të maleve të Dhëmbelit e Lunxhërisë dhe për të apasionuarit pas ecjeve në natyrë është e mundur të përshkohen 5 itinerare të ndryshëm të disponueshme dhe me harta elektronike. Parku është gjithashtu shtëpia e kafshëve të egra si shqiponja e artë, macja e egër, dhelpra, derri i egër, rrëqebulli, madje edhe arinjve e ujqërve në zonat e thella e të pashkelura.