Për të mbërritur në qytetin e Përmetit në rrugë tokësore ka disa itinerare. Duke u nisur nga kryeqyteti ndiqet autostrada e jugut. Pas kalimit të Durrësit, Golemit, Rrogozhinës, Lushnjes, në Levan, duhet të dilni nga autostrada e të merrni rrugën për në Tepelenë. Itinerari përfshin kalimin e  Qesaratit, Memaliaj dhe Uji i Ftohtë (Tepelenë). Nga këtu ndiqet rruga për të shkuar në fshatin Lekël dhe me te mbërritur në afërsi të fshatit Lekël kthehemi majtas për të kaluar urën e Leklit. Gjatë udhëtimit me makinë kalohet dhe ura e Dragotit, Këlcyra, deri sa, pas përshkrimit të 245 kilimetrave mbërrini në qytetin e Përmetit. 

Itinerati tjetër përfshin udhëtimin nga qyteti i Korçes. Kjo rrugë përfshin kalimin e qytetit të Elbasanit, Librazhdit e Prrenjasit. Pas kalimit të Qafëthanës, zbresim deri në fshatin Lin, për të shkuar më pas në qytetin e Korçes. Nga këtu ndiqet rruga për Ersekë, Leskovik deri sa të mbërrini në destinacionin final, qytetin e Përmetit.  

Udhëtimi nga Tirana në Përmet me autobus është i përballueshëm dhe komod. Sipas orareve të vendosura, autobusët nisen çdo orë nga Terminali i Autobusëve Ndërqytetas të Jugut deri në orën 12:30 nga Tirana drejt Përmetit dhe tarifa është 1200 lekë për person për një drejtim të vetëm. 
Informacioni i përditësuar në muajin dhjetor 2022