Të marrësh pak nga Përmeti me vete në shtëpi!

Mjeshtëria e punës me dorë është përcjellë brez pas brezi dhe është element thelbësore i identitetit kombëtar. Çdo rajon ka zejtarinë e saj tradicionale dhe në Përmet suvenirët tradicionalë realizohen nga prodhues lokalë me materiale vendase. Mbi të gjitha, ato janë objekte që ju do t'i përdorni në shtëpi. Këto suvenire janë artikuj kuptimplotë që përcjellin frymën e Përmetit dhe mbajnë të gjalla kujtimet e udhëtimit tuaj. Pavarësisht asaj që ju pëlqeni, pazaret, punishtet artizanale dhe dyqanet antike ofrojnë suvenire autentike me cilësi të lartë. Në çdo cep ka një surprizë për çdo lloj koleksionisti.